"នៅក្នុងវិស័យការងារ កម្មករពិតជាមិនអាចខ្វះបាននូវតំណាងសហជីពឯករាជ្យ ដែលធ្វើការងារយ៉ាងពិតប្រាកដ សម្រាប់ការការពារសិទ្ធិសេរីភាព និងផលប្រយោជន៍របស់កម្មករនិយោជិត"។
"ជាការរំពឹងទុក នៅពេលអនាគត សម្ព័ន្ធសហជីពចលនាកម្មករ នឹងក្លាយជាគ្រឹះមួយដ៏រឹងមាំសម្រាប់កម្មករនៅក្នុងប្រទេសកម្ពុជា ហើយជាពិសេសជាម្លប់ដ៏ត្រជាក់របស់ស្រ្តីនៅកម្ពុជាឱ្យមានភាពក្លាហាន និងចូលរួមចលនាសហជីពគ្រប់សកម្មភាព ដោយមានការទទួលស្គាល់ពីស្ថាប័នជាតិនិងអន្តរជាតិ។"
"ចក្ខុវិស័យរបស់ខ្ញុំគឺថា CUMW នឹងក្លាយជាស្ថាប័នមួយ ដែលពោរពេញដោយធនធានមនុស្សដើ ម្បីបំពេញបេសកកម្មរបស់ខ្លួន និងទទួលបានការគាំទ្រកាន់តែច្រើនពីកម្មករ និយោជិត និងអ្នកពាក់ព័ន្ធទាំងជាតិ និងអន្តរជាតិនាពេលអនាគតដ៏ខ្លីខាងមុខនេះ"។
"សម្រាប់ថ្ងៃអនាគត សម្ព័ន្ធសហជីពចលនាកម្មករ គឺជាស្ថាប័នមួយដ៏រឹងមាំ សម្រាប់ជួយការពារសិទ្ធិកម្មករនៅកម្ពុជា"
"ខ្ញុំមានមោទនភាពយ៉ាងខ្លាំង ចំពោះការផ្លាស់ប្តូរដែល CUMW សម្រេចបាននាពេលកន្លងមក ហើយសង្ឃឹមថានៅពេលអនាគត CUMW នឹងក្លាយជាផ្ទះដ៏កក់ក្ដៅ សម្រាប់កម្មករទាំងអស់"។
"CUMW បានដើរតួនាទីយ៉ាងសំខាន់ក្នុងការទាមទារឱ្យមានការកែលម្អលក្ខខណ្ឌការងារ និងចូលរួមយ៉ាងសកម្មនៅក្នុងយុទ្ធនាការសេរីភាពនៃចលនា សម្រាប់សហជីពរបស់យើង"។
"នៅពេលអនាគត ខ្ញុំគិតថា CUMW នឹងក្លាយជាស្ថាប័នសហជីព ដែលមិនត្រឹមតែល្បីល្បាញក្នុងស្រុកប៉ុណ្ណោះទេ ថែមទាំងអន្តរជាតិផងដែរ"។
“យើងទាំងអស់គ្នាចង់ឃើញកម្មករនិយោជិតគ្រប់រូបស្វែងយល់អំពីសិទ្ធិ និងកាតព្វកិច្ចរបស់ពួកគេ ហើយប្រើប្រាស់វាតាមរយៈយន្តការរបស់រដ្ឋាភិបាល និងធានាបាននូវលក្ខខណ្ឌការងារកាន់តែប្រសើរ”។
លោក ព្រំ ប៊ុនថន មានស្រុកកំណើតនៅខេត្តស្វាយរៀង ហើយលោកបានចូលមករួមរស់ជាមួយសម្ព័ន្ធសហជីពចលនាកម្មករ ចាប់តាំងពីឆ្នាំ២០១៤ ដោយរូបលោក បម្រើការងារជាមន្រ្តីអនុវត្ដគម្រោង និងជាមន្រ្តីអប់រំ ។
"CUMW គឺនៅទីនេះ ដើម្បីជួយផ្លាស់ប្ដូរលក្ខខណ្ឌការងារនៃការរំលោភសិទ្ធិរបស់និយោជក និងទទួលបានការការពារសិទ្ធិស្របច្បាប់របស់កម្មករនិយោជិតនៅកម្ពុជាទាំងអស់គ្នា"។
"សម្រាប់ទស្សន:របស់ខ្ញុំចំពោះ CUMW នៅថ្ងៃខាងមុខនឹងនៅតែបន្តសកម្មភាព ទាមទារសិទ្ធិនិងផលប្រយោជន៍ស្របច្បាប់ជូនកម្មករនិយោជិត។"
“ខ្ញុំគិតថា សម្ព័ន្ធសហជីពចលនាកម្មករ នឹងក្លាយជាសហជីពដ៏រឹងមាំទាំងលើឆាកជាតិ និងអន្តរជាតិ”។
"CUMW នឹងក្លាយជាស្ថាប័នឯករាជ្យដ៏ធំបំផុតនៅក្នុងប្រទេសកម្ពុជា និងមានស្តង់ដារមួយនៅក្នុងអង្គការរបស់ខ្លួន ដើម្បីជួយកម្មករ និងសមាជិក ក្នុងការដោះស្រាយវិវាទការងារឱ្យបានឆាប់រហ័ស និងប្រកបដោយប្រសិទ្ធភាព"។
"នៅថ្ងៃអនាគត នាងខ្ញុំនៅតែចូលរួមជាមួយ សម្ព័ន្ធសហជីពចលនាកម្មករ ធ្វើជាបុគ្គលិកបណ្ដុះបណ្ដាលសម្រាប់កម្មករប្រកបដោយសមធម៌ និងមានការគាំទ្រពីកម្មករសមាជិកកាន់តែខ្លាំង។"
